എൻ‌.എസ്‌.എസ് കോളേജ്, പന്തളം കേരളത്തിലെ പ്രശസ്തമായ ഉന്നത വിദ്യാഭ്യാസ സ്ഥാപനങ്ങളിലൊന്നും കേരള സർവ്വകലാശാലയുടെ കീഴിലുള്ളതുമാണ്. നായർ സർവീസ് സൊസൈറ്റി സ്ഥാപിക്കുകയും കൈകാര്യം ചെയ്യുകയും ചെയ്യുന്ന ഏറ്റവും പഴയ മൂന്ന് കോളേജുകളിൽ ഒന്നാണിത്. തിരുവിതാംകൂർ സർവകലാശാലയുടെ ഇന്റർമീഡിയറ്റ് കോഴ്സോടെ 1950-ൽ മന്നത്ത് പത്മനാഭനാണ് ഈ കോളേജ് സ്ഥാപിച്ചത്. ഒരേ മാനേജ്മെന്റിന്റെ തന്നെ കീഴിലുള്ള മറ്റ് നിരവധി വിദ്യാഭ്യാസ സ്ഥാപനങ്ങളോട് ചേർന്ന് പന്തളം നഗരത്തിന്റെ ഹൃദയഭാഗത്തായാണ് ഈ കോളേജ് സ്ഥിതി ചെയ്യുന്നത്.